দালাল

---

ঋতুপর্ণা রায় বর্মা

---

বাসিয়া দিনগুলাত কতবার তাক
ভালবাসিয়া একনা নাড়িয়া দেখির চাচুং।

আস্পর্ধা দেখেয়া ঠিক যতবার নাড়িবার গেচুং
ততবারে উয়ায় মোক দূরত ঠেলি দিছে,
নাইলে নিজে বারো হাত দূরত সরি গেইচে!
কইচে _
"মোক নাড়িস না,
এলা মুই ছুঁয়া হইচং!"

যতবার এই কতা শুনিচুং
ততবারে অবাক চৌকত তার ভিতি দেখিচুং
আর মনে মনে কইচুং _
বোকা মাইয়াটা জানেনা
একদিন উয়াক না নাড়িয়া ভালবাসা
এই মুই'এ যে উয়ার শরীলখানের দালাল!