নিবারণ রায়
সাকাল থাকি দেওয়াটা মনমরা,
কালা ম্যাঘ জমিসে।
সূর্য্য এলাঙ উঠে নাই,
পখিলাও ভাসা ছাড়ে নাই।
ঝম ঝম করি জল শুরু হইল।
নয়া দেওয়ার, নয়া জল----
ঘর থাকি উড়ি গেল ঝেচু পখিটা।
সুটুল মন্টুক ডেকায় কাঁকড়া ধরির বাদে।
মংলু আজুও হাল ধরি বিরাইসে।
পাছত নাল্টুর মাও-অ বিছনের হালি নিয়া।
বেলা বাড়িলে খানিক রোদ উঠিল।
আজু জমিনত হাল বোয়ায়,
নাল্টুর মাও বিছন গারে,
আর বাও বাতাসোত ভাসি উঠে সোঁতাল সুরের ভাওয়াইয়া।
নিবারণ রায়
পারকুমলাই, ভান্ডানী
জলপাইগুড়ি, পশ্চিমবঙ্গ, ভারত।
0 Comments