হামার জীবন



আবু আনাছ
বাংলাদেশের উত্তর পাশে হামরা অমপুরবাসী,
গরীব হলেও হামার জীবন কাটে হাসি খুশি।
আইজ হামার দিন চলিয়া যায় গপ্প-কেচ্চা কয়া,
চোর ডাকাতক মারতে গেলে মনত নাগে ময়া।
ন্যাম্পো জ্বলে আইত জাগিয়ে চিঠিত করি আও,
রানার কখন আসপে এদি ঘুরি বিশাল গাঁও।
আইজো গাঁওয়ের বাপ-চাচারা নুন দিয়া পন্তা খায়,
নাঙ্গল জোঙ্গাল ঘাড়ত নিয়া হালবোয়াবার যায়।
পিড়াত করি বসপের দেই আসলে বাড়িত সাগাই,
ভোতরা মুরুগ জবো করি পেট ভরেয়া খাই।
এদন সুখত হামার গুলার কাটে যদি জান,
সারা জীবন সগার মুখত থাকবে সুখের গান।

Post a Comment

0 Comments